Laerskool Thabazimbi vier 75 lange jare

THABAZIMBI – Laerskool Thabazimbi gaan op 22 September heerlik fees vier ter herdenking aan hul 75ste verjaarsdag.
‘n Opwindende kaskarkompetisie en waterkaskenades word deur die oggend vir die leerders aangebied. Die aand kuier almal heerlik saam by die Lapa om die braaivleisvure met Jak de Priester wat saam met ‘n volle orkes gaan optree.
Die skool verskaf die pap en sous, en elkeen bring net sy eie vleisie vir die braai. Die kaartjies sal vanaf Maandag, 7 September by die finansiële kantoor beskikbaar wees en kos slegs R30 per volwassenes en hoërskoolleerlinge en R10 vir laerskoolkinders. 
Die skool nooi graag alle ouers, oud-leerders, lede van die gemeenskap en almal wat by Laerskool Thabazimbi betrokke is of was, om die aand saam te kuier. Vir navrae kontak gerus die skool by 014 7771234 / 0147771214 / 083 7448559.