Laerskool Thabazimbi krieket

Met die seisoen wat einde se kant toe staan, kan die 0/10 krieketspan van Laerskool Thabazimbi hulself op die skouer klop met die seisoen se puik prestasies. Hierdie span het as ligawenners uit die stryd getree deur, met groot sukses, met Laerskool Krugerpark en ook Warmbad af te reken deur hulle onderskeidelik met 7 en 10 paaltjies te klop. Uitblinkers met die kolf was onder andere Hardus Schoeman, Nimroe Lategan en Tiaan Raubenheimer. Nimroe en Tiaan het ook met hul boulwerk beïndruk deur die ander skool se kolwers behoorlik te laat bont kyk. Op die foto saam met die span is hul afrigter Mnr Hinsbeeck.