HFM Jukskei nuus

Die Jukskei spelers van HFM het op 28 en 29 Augustus aan die Provinsiale toernooi te Pietersburg deelgeneem. Die O/16 gemengde span wen die Ope afdeling en ontvang goue medaljes asook die Fanus Genis wisseltrofee. Die span bestaan uit Daphné Liebenberg (kaptein), Jason Jacobs, Christo Bothma, Wynand Lourens en Christopher Jansen van Vuuren. Die O/19 Seuns Jukskei-span eindig derde in hul kategorie en ontvang brons medaljes. Die span bestaan uit Jaco de Witt (kaptein), Nicholas Lourens, Steven Albrecht, Marius Albrecht en Albert Schwann. Foto: Dié spelers is op Saterdag 29 Augustus gekies om die Limpopo streek te verteenwoordig by die Bondedag wat op 10 Oktober sal plaasvind, hulle is Jason Jacobs (O/16 Seuns Reserwe), Daphné Liebenberg (O/16 Meisies) en Jaco de Witt (O/19 B Seuns).