Uitslae Tarentale Jukskeiklub – Opedag

MOKOPANE – ‘n Baie geslaagde Opedag het op Saterdag 15 Augustus te Mokopane plaasgevind ter viering van die Klub se 70ste bestaansjaar.
Vir Fanie en Nettie Genis was dit ook ‘n groot dag met die herdenking van hul 62ste Troudag, hulle is ook die ouers van die huidige voorsitter, Fanie Genis. Die klub is oorspronklik deur ‘n Genis gestig en gooi die vierde geslag nou al skeie vir die Tarentale-klub. Volgens die organiseerders was die opkoms goed en 34 spanne het meegeding in Afdelings A, B en C. Uitslae is as volg:
A-Afdeling – (11 Spanne) 1ste Pretoria wen ‘n kleur TV-stel, 2de “Die Vier” van Boksburg en 3de “Jan se Span” van Pretoria.
B-Afdeling – (11 Spanne) 1ste Steenbokke van Polokwane wen ‘n mikrogolfoond, 2de Soutpan van Louis Trichardt en 3de Thabazimbi.
C-Afdeling – (12 Spanne) 1ste Tarentale stap weg met ‘n DVD-speler, 2de “Haak-en-Steek” van Klerksdorp en 3de Steenbok. Daar was ook pryse vir die spanne wat in die 2de en 3de plek geëindig het. Graag wil die klub die volgende borge vir hul bydrae bedank:
Jan Wurm van Mokopane vir die 2 kleur televisiestelle, PP Rus Makelaars, Waterberg Makelaars en Coty Pompe, almal van Mokopane.
Op 28 Augustus 2009 om 14:00 word die Skole-liga aangebied en op Saterdag 29 Augustus is die Junior Keuring vir die Bondedag op 10 Oktober te Krugersdorp. Die Liga en Keuring is op die bane te Polokwane.