Jong kinderlaggie gestil

Lee-Ann Vorster, die klein “wonderwerk” dogtertjie van die Vorster-gesin is op 8 Augustus oorlede.
Lee-Ann Vorster, die klein “wonderwerk” dogtertjie van die Vorster-gesin is op 8 Augustus oorlede.

THABAZIMBI – Klein Lee-Ann Vorster, die “prinsesmeisiekind” van Melt en Daleen Vorster het op 8 Augustus 2009 gesterf.
In ‘n briefie aan haar dogter skryf Daleen: “Ons meisiekind, ons het die Here gevra vir ‘n meisiekind, Hy het jou spesiaal vir ons uitgesoek, want jy was so spesiaal. Jy het ons van liefde geleer want jy het ons altyd van jou liefde verseker deur net in jou ogies te kyk, en ook om baie na aan Hom te leef, want jy was van dag een af wat jy by ons was ‘n wonderwerk. Ons Prinsesmeisiekind ons sal jou nooit vergeet nie. Lief jou altyd tot ons weer ontmoet.”
Lee-Ann is op 13 Augustus uit die AGS Kerk Thabazimbi begrawe. Haar plekkie in die Vorster-gesin is nou leeg. Graag bedank die gesin die volgende instansies, familie, vriende vir hulle ondersteuning en hulp tydens hul engel dogtertjie se afsterwe: Doves vir hul professionele diens wat hul gelewer het, Emanuel gemeente vir die voedsel en bystand wat hul voorsien het, Pastoor Enslin vir die gebruik van die AGS kerk en fasiliteite, Pastoor Danie Breedt en Annatjie vir hul bystand en diens wat hul gelewer het, Kumba Iron Ore personeel vir die ruiker en ondersteuning, Eric Marx Prokureurs/Arora Eiendomme vir die ruiker en ondersteuning, Bets Snyman van AnnaBeth vir die pragtige kis en kerk ruiker.
Ook vir dr Buys, dr Blignaut, Alta Graham, Danie en Medhof apteek se personeel vir hul bystand en bemoediging. ‘n Spesiale woord van dank word teenoor al die vriende, familie uitgespreek wat hul so baie ondersteun het in die moeilike tyd en nogsteeds tydens die lyding wat haar leë plekkie meebring.