Ellisras Toyota Vuurwapenfees Saterdag

ELLISRAS – Die jaarlikse Ellisras Toyota Vuurwapenfees vind hierdie naweek, op Saterdag 29 Augustus vanaf 08:00 te Ellisras se Knapskoot Skietbaan plaas.
Die toegang tot die Vuurwapenfees is gratis. Daar is egter deelnemersfooie vir elke item betaalbaar. Skuts registreer teen R20 vir die dag, en skryf dan vir die verskillende items in. Verversings sal te koop aangebied word en geen alkohol word deur die dag toegelaat nie. ‘n Prysuitdeling word na die verrigtinge gehou, gevolg deur ‘n wildsvleisete, gratis vir almal wat dit bywoon. Deelname aan die Vuurwapenfees kan as bewys dien dat vuurwapeneienaars hul vuurwapens aktief gebruik en sal help met herlisensiëring. Bring dus u logboeke, en laat dit deur die baanoffisier teken. Vir meer inligting besoek www.vuurwapenfees.co.za, of skakel Willie Barnard by  083 292 5419.