Bosveld Akademie beplan vooruit

Twaalf, ses bo en ses onder, van die 19 beplande klaskamers van Bosveld Akademie is hier in aanbou.
Twaalf, ses bo en ses onder, van die 19 beplande klaskamers van Bosveld Akademie is hier in aanbou.

THABAZIMBI – Altesaam 19 klaskamers is tans in aanbou vir Bosveld Akademie, wat tans hul leerders in die AP Kerk onderrig.
Dié groot uitbreidings kan net beteken dat die skool ‘n groot toename in getalle verwag. Tans verskaf dit opleiding aan 71 leerlinge van Gr R tot 12. Die sportveld en pawiljoen is reeds voltooi en 2 netbalbane word vir die nabye toekoms beplan.
Vier van die 19 klaskamers maak voorsiening vir junior opleiding wat ‘n  kleuterklas, vóór Gr R, insluit.
Die geboue vir die skoolsaal, administrasie, ablusies en ‘n rekenaarsentrum, is ook reeds voltooi. Die materiaal wat gebruik is vir skool is twee lae chromadek (ook vir plafonne) met polistereen-insulasie in die middel. Dit verseker hitte in die winter en koelte in die somer, vertel skoolhoof Danie Nortjé.
‘n Optimistiese en opgewonde mnr Nortjé  meen dat sy kantoor reeds in Oktober sal kan betrek.