HFM derde by swem Interhoër

THABAZIMBI – Hoërskool Frikkie Meyer se swemspan het derde uit ses skole geëindig by ‘n Interhoër-byeenkoms in Settlers.
Die ander skole wat deelgeneem het, was Hoërskool Piet Potgieter, Ben Viljoen, Warmbad, Ellisras en Hans Strijdom.
Lourens Boshoff o/14  het goud in 50m rug- en vlinderslag ontvang, terwyl die dogters o/15 vir die wisselslag aflos in die 200m ook goud ontvang het.
Veertien HFM swemmers het silwer medaljes ontvang. Hulle is Lourens Boshoff 200m individuele wisselslag, Marco Nel 50m kruipslag en o/16 50m vlinderslag, Charl Reynecke 100m kruipslag, Duan Minnaar 50m borsslag, Ashley Venter 50m borsslag en Werner Rall 50m borsslag. Ook vir die volgende items is silwer medaljes verower. John Johnston 100m borsslag, DC le Roux 50m rugslag, Ans-Mari Potgieter 50m rugslag, Raymond Visagie 100m rugslag, seuns o/14 kruipslag aflos 200m, dogters o/15 kruipslag 200m, seuns o/16 kruipslag 200m en seuns o/19 kruipslag.
Brons medaljes is vir ‘n hele paar items ontvang: John Johnston 200m individuele wisselslag en 50m vlinderslag, Ans-Mari Potgieter 200m individuele wisselslag en 50m vlinderslag en Ian Pienaar vir 50m kruipslag, Marie Pienaar 100m kruipslag en borsslag, Rhoné Rheeders 100m rugslag en 50m vlinderslag.
Vir die volgende ouderdomsverwante items is ook brons medaljes verower: Dogters o/14 wisselslag aflos 200m, o/16  kruipslag 200m, o/19 wisselslag aflos 200m en  Ope Dogters kruipslag aflos 200m. Slegs een seuns-aflosspan het ‘n bronsmedalje gewen. Dit is die o/16 seuns kruipslag-aflos 200m.