Ruiters doen dit weer!

THABAZIMBI – Ruiters van Hoërskool Frikkie Meyer en Laerskool Van Wykskraal het weer eens hul bedrewenheid bewys by die Sanef Skole Skou wat op 26 en 27 April gehou is by die Berbon Stalle in Bela-Bela.
Vyf leerlinge van HFM het deelgeneem, naamlik Roelien Roets, Christoné Greyling, Gillian Trollope, Lindie de Beer en Hes-mari Buys. Liandi Pienaar was die verteenwoordiger van Laerskool Van Wykskraal.
In die Perdespring-afdeling het Christoné Greyling op Billyboy eerste en tweede geëindig in twee afdelings van Level 2 (80-90cm) en Gillian Trollope op Fluorescent het tweede en derde plekke behaal in Level 2. Roelien Roets met haar perd Corntime het derde gekom in Level 1 (70-80cm).
Met “Performance Riding Horse” het Gillian eerste plek in Level 2 en Lindie de Beer op Wairwolf eerste plek in Level 4 behaal. Roelien het tweede geëindig in die Level 1-afdeling.
In die afdeling “Working Riding Horse” het Roelien, Gillian en Lindie eerste plekke behaal in Levels 1,3 en 4 onderskeidelik.
Hes-mari Buy het goed gevaar op haar perd Arogan in Dressering waar sy twee eerste plekke behaal het in Prelum 3 en 4.
Liandi Pienaar op haar perd Solar Princess  het twee eerste plekke behaal in onderskeidelik Perdespring Level 2 (70-80cm) en tweede plekke in Working Riding Horse en Performance Riding Horse Level 2.