THABAZIMBI – Die boogskietkompetisie gaan vanjaar op Saterdag 3 Mei 2008 tydens die Thabazimbi Expo plaasvind. Belangstellendes kan inskryf vanaf 07:30 tot 13:30 by die SA Jagtersvereniging se skietbaan in Thabazimbi.
Die kompetisie sal onder die reëls en toesig van gekwalifiseerde boogjag instrukteurs plaasvind. Teikens waarna geskiet sal word sluit in 2D- en 3D teikens wat strategies geplaas sal word op afstande wat sal wissel vanaf 10 tot 60 jaard vir senior skuts en korter afstande vir juniors en “cubs”.
Die inskrywingsgeld sal R80-00 beloop. Verskeie pryse word aangebied, onder andere jagpakette. Die pryse sal volgens SABA reëls toegeken word wat behels dat enige skut wie ‘n puntetotal van 70% en hoër behaal sal kwalifiseer vir die prystrekking. Daar sal wel toekennings wees vir die eerste drie posisies van elke kategorie .
Navrae kan gerig word aan Fred Smith by 082 579 1174 of Nico Engelbreght by 084 713 6603.
Thabazimbi News l Nuus
