HFM eindig 3de in swem interhoër

THABAZIMBI – Die Interhoër Swemgala het op 5 Oktober 2007 te Groblersdal plaasgevind. Vyf skole het deelgeneem. Die finale uitslae was as volg Hoërskool Ben Viljoen – 613, Hoërskool Piet Potgieter – 604.5, Hoërskool Frikkie Meyer 513.5, Hoërskool Ellisras 427.5 en Hoërskool Warmbad 383.5. Die volgende swemmers het goue medaljes verwerf: John Johnston met 50m borsslag, Jacques Stevens met 100m borsslag en 50m vlinderslag, Wickus Stevens met 50m rugslag en 50m vlinderslag en die seuns O/16 met wisselslagaflos en vryslagaflos. Die volgende swemmers het silwer medaljes verwerf: Ans-Marie Potgieter in die 50m vryslag en 50m rugslag, John Johnston in die 50m vryslag, Duan Minnaar met 50m borsslag, Marie Pienaar met 100m borsslag, Rhoné Rheeders met 50m vlinderslag, die seuns O/19 met wisselslagaflos en vryslagaflos, die seuns O/14 met vryslagaflos en die dogters O/15 met vryslagaflos. Brons medaljes is deur die volgende swemmers verwerf: Jacques Stevens met 200m wisselslag, Rhoné Rheeders met 200m wisselslag en 100m rugslag, Regardt Hefer met 50m vryslag, Famke Minnaar met 50m vryslag, Marie Pienaar met 100m vryslag, Anri Prinsloo met 50m borsslag, Victor Williams met 50m rugslag, die seuns O/15 met wisselslagaflos en vryslagaflos, dogters O/16 met wisselslagaflos en vryslagaflos, dogters O/19 met wisselslagaflos en vryslagaflos.