Julius Magan besoek Thabazimbi

THABAZIMBI –Een van Suid-Afrika se voorste Gospel Sangers, Julius Magan, wat groot aanhang onder oud en jonk geniet, tree Sondag, 29 Januarie tydens die Erediens om 09:30 en weer tydens die Sondag “Celebration” om 18:30 by die AGS Gemeente op.
Julius het veral bekendheid verwerf vir sy dinamiese aanslag onder Suid-Afrikaanse jeug en het in die laaste paar jaar baie diep in die harte van kerkgangers en die breë publiek gekruip.
Sy moderne kontemporêre aanslag het in die laaste jaar plek gemaak vir ‘n baie ernstige soeke na die teenwoordigheid van die Here – met die doel om alle gelowiges saam met hom te neem tot aanbidding deur sy sang en musiek.
Hy het in die mededingende Suid-Afrikaanse mark reeds 6 CD’s vrygestel met sy nuutste, “Worship”, wat onlangs die lig gesien het. Vir enige verdere navrae kan die kerkkantoor by (014) 772 1765 geskontak word of Stephen Enslin by 083 410 6482.