Oud-inwoner oorlede

THABAZIMBI – Tannie Thea Prinsloo (69) is Vrydag 6 Mei oorlede.
Sy en haar man, oom Piet, was van 1958 tot 1993 inwoners van Thabazimbi.
Die egpaar het, toe oom Piet op 64 by Yskor afgetree het, verhuis na Brits. Oom Piet is ‘n paar jaar gelede oorlede.
Tannie Thea het vroeër vir meer as 10 jaar as ontvangsdame vir dr Wynand Müller gewerk.
Die laaste drie jaar was sy in Delmas woonagtig.
Haar begrafnisdiens was 11 Mei in Brits. Sy laat haar vyf kinders (waarvan nog net Melody in Thabazimbi woon), 10 kleinkinders en drie agterkleinkinders na.