THABAZIMBI – Thabazimbi Kleuter-Akademie is ‘n een-stop diens wat absoluut vir u gerief en tot u kind se voordeel geskep word. Die Akademie open 4 Januarie 2005 en is ‘n moet vir jou kind. Die Akademie gaan u kind se Intellektuele- en emosionele intelligensie asook hul fyn- en groot motoriese vaardigheid maksimaal ontwikkel.
‘n Babasorg-eenheid (vanaf 6 weke oud), kleuterafdeling, Gr R klas en Naskoolsentrum vir Laerskool kinders word geskep. Kleuter-Akademie bied ‘n pakket aan teen R580 per maand wat die volgende insluit: Engelse taalvaardigheidsopleiding – vanaf 2 jaar, Rekenaar opleiding – vanaf 2 jaar, Kindermusik – studioklassies word aangebied, Ballet vir dogters vanaf 3 jaar, Playball vir seuns vanaf 2 jaar ‘n voorgeskrewe sillabus word gevolg.
Gekwalifiseerde personeel is aangestel om onderrig aan u kind te gee asook ‘n gekwalifiseerde Verpleegkundige op die perseel. Etes sal ontbyt, ‘n gebalanseerde middagete en verdere versnapperings deur die dag insluit. Skooltye sal vanaf 05:45 tot 17:30 wees en sal slegs drie weke in Desember sluit.
Die Naskoolsentrum word vir u gerief geskep en teen R230 per maand word u kind afgehaal by Laerskool Thabazimbi, ontvang hulle ‘n gebalanseerde middagete asook bystand en hulp word met hul huiswerk verleen. In wintertye sal die kinders op Dinsdae en Donderdae om 14:30 na die skool geneem word vir hul wintersport en weer 16:30 afgehaal word.
Thabazimbi Kleuter-Akademie is op die perseel van Hoërskool Frikkie Meyer by Impala koshuis. Alle aktiwiteite word by die perseel aangebied en geen kleuter sal dus die terrein verlaat nie. Om u kind se plek te verseker is ‘n registrasiefooi van R100 betaalbaar. Vir meer inligting kan Charline van der Walt gekontak word by 072 579 0070.
Thabazimbi News l Nuus
