Die Kwêvoël, Thabazimbi

Op 14 Januarie 2012 is Pricilla (dogter van Rodney en Marlene Wilkinson) met Hermanus (seun van Willie en Ria Du Preez) deur Ds Hennie van der Linde van die Nederduits Hervormde Kerk Vliegepoort in die huwelik bevestig. Die onthaal het plaasgevind te Montsomi Lodge. Die egpaar vestig hul te Montana. Fotograaf: Pikkie Photography

Tonie en Amanda van Niekerk is op 28 Januarie 2012 te Blythedale Beach in KwaZulu-Natal deur Pastoor AJ Haasbroek in die huwelik bevestig. Die egpaar vestig hul in Thabazimbi.

Werner en Yolanda van der Berg is op 15 Oktober 2011 deur ds Thinus Benade in die NG Kerk Thabazimbi in die huwelik bevestig. Hulle vestig hul in Thabazimbi.

Cath-Lyne, dogter van Jan en Kitty Roux en Kobus, seun van Chris en Gertruida Bezuidenhout, is op 10 Desember 2011 deur Pastoor Gideon Strydom in die huwelik bevestig te Mogwase Gevangenis.

Christelle dogter van Manie en Marthie Sasnowske is met Marten seun van Marten en Marietjie Buys in die huwelik bevestig deur ds Jannie du Plessis, op 17 Desember 2011 uit die NG Kerk, Northam. Hul is tans woonagtig op Swartklip.

Anéll en Abraham Groenewald is op 16 April 2011 in die huwelik bevestig deur ds. Thinus Benade op Trekpad Safari's. Anéll de Kock is die dogter van Pieter en Elbie de Kock, sy is ‘n algemene praktisyn, werksaam by Drs, de Kock en Vennote in Thabazimbi. Abraham Groenewald, seun van Dirk en Herma Groenewald is van Tzaneen. Hulle vestig hul wel in Thabazimbi en Anéll sal voortaan praktiseer as Dr. C.P. Groenewald.

Paul Lindenberg, seun van Paul en Patrys Lindenberg, en Carla Rudman, dogter van Collin en Triena Rudman, is Saterdag 29 Oktober 2011 te Hedgehog’s nest in Rustenburg in die huwelik bevestig deur ds Thinus Benade van die NG kerk Thabazimbi. Hulle woon tans in Thabazimbi.

Flip en Nicoline Volschenk is in die huwelik bevestig op 15 Oktober 2011 deur Pastoor Enslin in die AGS Kerk Thabazimbi. Hul vestig hulself nou in Thabazimbi.

Shane en Jurone Breet is op 12 November 2011 te Blinkwater Lodge in die huwelik bevestig deur Ds Danie Breedt. Die paartjie vestig hul tans op Koedoeskop. Fotograaf: Ronel Marais.

Gerhard van Heerden, seun van Gert en Wilma van Heerden van Rooiberg (voorheen van Amandelbult) en Cindy van Wyk, dogter van Herman en Cathleen Janse van Vuuren van Rustenburg (voorheen van Thabazimbi) is op Saterdag 29 Oktober in die huwelik bevestig te Doorndraai Lodge, Rooiberg deur ds De La Guer. Gerhard en Cindy vestig hul in Rustenburg. Fotograaf: Louis Fouché 083 458 8875.