Nuus uit die buiteland – Erge tropiese storm tref die Fillipyne

Erg beskadigde infrastruktuur belemmer die Rooikruis se hulpverlening aan die suidelike eilande van die Fillipyne nadat die gebied net voor Kersfees deur die tropiese storm, Tembin, getref is.

Brûe en paaie op die eiland Mindanao is vernietig of versper deur grondverskuiwings. Sowat 200 mense is reeds dood en ten minste 70 000 mense is deur die tropiese storm ontwrig.

Bykans 1000 wonings is vernietig en ryslande is eenvoudig weggespoel. Sowat 150 mense word steeds vermis. Baie van die huise is of onder modder begrawe of oorstroom.

In die Lanao del Sur provinsie, die armste provinsie in die Fillipyne, is die afgelope sewe maande reeds sowat 350 000 mense ontwrig as gevolg van gevegte met tussen regeringsmagte en Islamitiese militante.

Daarby is die Fillipyne steeds besig om te herstel nadat die tifoon, Haiyan in 2013 die gebied getref het en sowat 5 000 lewens geëis het.

 

Selmoordbom eis ses lewens in Afghanistan – IS aanvaar verantwoordelikheid

25 Des selfmoordbom in Kabul‘n Selfmoordbom het die lewens van ses mense geëis naby die kwartiere van die Afghanistan intelligensie dienste in Kabul.

Nog drie persone is beseer toe die selfmoordbom-draer hom tussen voetgangers wat op-pad werk toe was opgeblaas het.

Reuters berig dat die Islamitiese Staat via sy Amaq nuuskanaal verantwoordelikheid vir die terreur aanval aanvaar het.

Die aantal bomontploffings het gedurende die laaste aantal maande toegeneem.

Gedurende Oktober is 39 mense dood gedurende ‘n aanval oop ‘n Shia moskee en in Mei het ‘n massiewe bom in die diplomatieke kwartiere, bekend as die Groen Zone, meer as 150 mense gedood.

 

Guatamala steun Jerusalem as hoofstad van Israel

25 Des Jerusalem-WidescreenGuatemala, ‘n verarmde Suid-Amerikaanse staat, het laat blyk dat hy Amerika steun in die besluit om Jerusalem as hoofstad van Israel te erken. Die staat is een van slegs nege state wat teen die Verenigde Nasies se resolusie gestem het dat Amerika sy erkenning van Jerusalem as hoofstad moet terugtrek.

Die Amerikaanse president, Donald Trump, het gedreig dat hy hulp aan nasies, waarvan Guatamala een is, gaan ophef indien hulle teen die Verenigde State ou stem.

Guatamala se president, Jimmy Morales, het Sondag gesê dat hy het die besluit geneem om die land se ambassade vanaf Tel Aviv na Jerusalem te skuif na samesprekings met Israel se eerste minister, Benjamin Netanyahu.

Die status van Jerusalem lê na aan die hart van die Israeli’s toe Israel die oostelike gedeelte van die stad, wat voorheen deur Jordanië beset is, gedurende die Midde ooste Oorlog in 1967 herbeset het en die hele stad as hul onverdeelbare hoofstad beskou.

Die Palestyne eis Oos Jerusalem op as die hoofstad van hul toekomstige staat en die finale lot van die stad sou eers dan as deel van vredesonderhandelinge beslis word.

Israel se soewereiniteit oor Jerusalem is nooit internasionaal aanvaar nie en al die lande se ambassades is in Tel Aviv gesetel.

Trump in teenstelling, het die VSA se departement van buitelandse sake opdrag gegee om daaraan te begin werk om die Amerikaanse ambassade na Jerusalem te verskuif.