Nuus tot Dinsdag 19 September

Passasiers beseer in onploffing op Londen Moltrein

Meer as 30 passasiers is beseer waarvan sommige erge brandwonde opgedoen het tydens ’n ontploffing die afgelope naweek vroegoggend op ’n Londen moltrein. Die polisie het dit as ’n terroriste aanslag beskryf. Hierdie is reeds die vyfde aanval binne ses maande in Brittanje.

Die voorval het by die Parsons stasie in die suid-weste van Londen gebeur  toe ’n tuisgemaakte ploftoestel ontplof het.

Reeds 35 mense het tot dusver in die aanvalle gesterf sedert die eerste aanval gedurende Maart toe ’n Kalid Masood, ’n Moslem bekeerde met ’n geskiedenis van geweldpleging, deur die polisie doodgeskiet is nadat hy ’n polisieman voor die parlementsgebou gesteek het.

Gedurende Mei het Salman Abedi, ’n Britse burger wat oorspronklik van Libië afkom is, homself na ’n popkonsert opgeblaas en 35 mense se lewens, waarvan 22 van kinders was, geëis het.

Die Islamietiese Staat het verantwoordelikheid aanvaar in ’n voorval naby Londen Bridge waarin agt mense die lewe gelaat het.

Die polisie sit hulle ondersoek voort by ’n huis in Sunbury-Thames- in Surrey, die blyplek van ’n 18-jarige man, wat deur die polisie by die Port of Dover in hegtenis geneem is in verband met die Parsons Green ontploffing.

Robbeneiland veerboot sink byna

18 Sept Ferry RobbeneilandDie Nasionale Seereddings Instituut (NSRI) moes Vrydag vinnig werk om die 68 passasiers op die sinkende veerboot, wat gebruik word om passasiers heen en weer na Robbeneiland te vervoer, te hulp te snel toe dit op-pad terug na die vasteland probleme opgetel en begin water opneem het.

Die veerboot, Thandi, het gedeeltelik gesink  en al die toeriste is veilig oorgelaai op ‘n ander boot waarna Thandi gered kon word en deur die NSRI dit na Murrays Bay op sleeptou geneem het waar die boot veilig geanker is.

‘n Woordvoerder van die veerboot operateurs by die Robbeneiland Museum (RIM), Sandresan Thandroyan, sê dat die museum hul eie ondersoek na die voorval sal doen. Die Suid-Afrikaanse see-veiligheid owerheid (Samsa) sal ook hul eie ondersoek in samewerking met RIM loods.

Volgens Thandroyan beskik al die veerbote oor gereelde diens skedules om seker te maak dat die masjinerie en toerusting in ‘n goeie werkende toestand is en die bote oor die nodige veiligheid sertifikate beskik. Die weersomstandighede was ook gunstig om die veerboot te bedryf.

Thandi se eienaar, Esa Yacoob, sê dat toe die veerboot water begin skep het, het die skipper  onmiddellik ‘n noodoproep na die basis gestuur.

24 Dood toe Islamitiese kerkskool brand

14 Sept Studente brand dood in MalaysiëTen minste 22 studente en twee onderwysers het doodgebrand toe ‘n vuur Donderdag in die vroeë oggendure by ‘n kerkskool in die Maleisiese hoofstad, Kuala Lumpur, uitgebreek het, wat dit een van die grootste tragedies waar mense doodgebrand het in die land maak.

Daar word vermoed dat die slagoffers in hul slaapsaal vasgevang is aangesien al die vensters met staal-tralies toegemaak was.

Die studente was almal seuns tussen die ouderdomme van 13 en 17 jaar.
‘n Verder tien beseerdes waarvan vier ernstige brandwonde opgedoen het, is in die hospitaal opgeneem.

In die Islamietiese tahfiz skool, soos die Tahfiz Darul Quran Ittifaqiyah, waar die treurspel afgespeel het, bly die kinders gewoonlik in side skool waar hulle die Koran bestudeer.

Die brand is vermoedelik deur ‘n kortsluiting of brandende muskiet-afwerende olie veroorsaak.

Volgens die plaaslik media het die skool blykbaar nog nie regeringstoestemming gehad nie aangesien ‘n veiligheidspermit ten opsigte van brandgevaar nog hangend was. Volgens die land se openbare werke ministerie was daar 29 brandvoorvalle sedert 2015 in die land by tahfiz skole aangemeld en is kommer uitgespreek oor onwettige tahfiz skole.

Volgens ooggetuies het een van die kinders ‘n venster sonder tralies gekry waardeur hy en nog ander gekruip het en met ‘n geut na veiligheid afgegly het. Na die brand geblus is, is al die slagoffers bo-op mekaar in die vertrek aangetref.

Departement van Energie soek geld

eskom-kraglyne-5Die Departement van Energiesake is in samesprekings gewikkel met finansiële instellings om reëlings te probeer tref vir ‘n lening van R68 miljard om op te maak vir die agterstand in onderhoud oop die land se verouderende kragnetwerk infrastruktuur.

Die agterstand in 2008 was reeds op R27 miljard geraam maar het in 2014 reeds tot R68 miljard gestyg en volgend die Nasionale Kragreguleerder, Nersa, styg dit steeds.

Volgens wat die direkteur, elektriese beleid van die Departement van Energiesake, Thabang Audat, aan die Parlementêre komitee oor energie oorgedra het, was dat daar baie maniere vir die befondsing van hierdie tekort is maar dat die meeste is nie haalbaar nie.

Om hierdie rede het die departement samesprekings begin met onder andere die Ontwikkelingsbank van Suid-Afrika, die Openbare Beleggings Korporasie en die Industriële Ontwikkelings Korporasie. Al hierdie instansies vereis waarborge dat die kapitaal terugbetaal sal word.

Nersa se bydrae van 5% tot 8% van die totale tarief om die munisipale elektrisiteit infrastrukture te onderhou of opgradeer mag nie vir die agterstand aangewend word nie en is die voorstel dat dit gebruik word om die nuwe finansierders terug te betaal.

Nersa sê dat baie munisipaliteite finansieel en tegnies totaal ondoeltreffend is en dat hulle hul besigheidsmodel moet herstruktureer om hulle afhanklikheid van inkomste geskep deur elektrisiteit-verkope te verminder.

Dreigende kragonderbrekings na drie munisipaliteite in Oos-Kaap

Eskom beplan om die kragonderbrekings na drie Oos-Kaapse munisipaliteite in te stel tensy ‘n ooreenkoms voor vandag, Vrydag 15 September, oor uitstaande betaling getref word.

Die betrokke munisipaliteite is die Raymond Mhlaba, Walter Sisulu en Inxuba Yethemba Munisipaliteite waarvan die krag veronderstel was om reeds vanaf Woensdag hierdie week onderbreek sou word omdat hulle nie daarin geslaag het om voldoende terugbetalings te doen ingevolge die ooreenkoms voorwaardes nie.