Nuus sedert Vrydag 8 September – Nuut

Aardbewing skud Mexico

‘n Aardbewing wat 8,2 op die Richterskaal gemeet is, die sterkste in 100 jaar, het Donderdag aand die suidelike kus van Mexico geskud en die lewens van tenminste ses mense geëis en die dodetal kan nog steeds styg.

Die episentrum van die skudding was in die Stille Oseaan, sowat 87km suid-wes van die dorp Pijijiapan. ‘n Tsunami waarskuwing is uitgestuur vir golwe van sowat drie-meter-hoog vir Mexico en ander omliggende lande.

Die skudding is ook in Mexico-stad gevoel met geboue wat heen en weer geswaai het en mense wat uitgehardloop het na die strate. Alhoewel die stad sowat 1000km van die episentrum is, is skuddings vir sowat ‘n minuut lank gevoel.

Ernstige skade is aangerig in suidelike Mexico asook in westelike Guatamala. Sosiale media het talle foto’s gedra van geboue wat ineengestort het in die Mexico staat Oaxaca, asook in ‘n stad met dieselfde naam in Juchitan, waar die munisipale gebou onder die was wat heeltemal vernietig is.

‘n Hospitaal indie stad het ook inmekaar gestort alhoewel daar geen berigte van sterftes sover ontvang is nie.

Met die sterkte van 8,2 oortref dit die aardbewing wat in 1985 naby Mexico stad getref en duisende mense dood is.

Volgens een van die getuies van die aardbewing het die skudding sowat drie minute lank geduur en die gebou het so erg geswaai dat dit gevoel het asof hulle in ‘n boot was. Hulle kon deur die mure die angsbevange geskreeu van hul bure hoor.

Buiten die aardbewing word Mexico tans ook op sy ooskus geteister deur die orkaan Katia. Hierdie kategorie een orkaan met windsnelhede tot 140km/h het omtrent 300km suid-oos van Tampico met sy verwoestende aanslag toegeslaan.

 

Drie rowers dood in skietgeveg op-pad na teiken

2 Sept Cash Heist Kokstad
Drie van die sewe bendelede wat Vrydag deur die polisie gearresteer is toe hulle op-pad na hul teiken deur die polisie onderskep is.

Drie vermeende rowers is Vrydag doodgeskiet en sewe ander gewond tydens ‘n skietgeveg tussen die polisie en vermeende rowers wat op-pad was om ‘n kontant in transito roof te pleeg en hulle deur die polisie voorgelê is nadat hulle inligting hieroor ontvang het.

Die gewapende rowers het onmiddellik begin skiet toe hulle deur die polisie gekonfronteer is.
Volgens die polisie woordvoerder, kaptein Nqobile Gwala, het polisie eenhede in die onmiddellike omgewing van waar die transito rooftog sou plaasvind, gereageer en die drie voertuie wat deur die vermeende rowers gebruik is, ‘n Ford Territory SUV, ‘n Toyota Hilux Legend en ‘n BMW sedan, op die N2 tussen Harding en Kokstad, onderskep is.

Van die sewe rowers wat in hegtenis geneem is, het net een hospitaalbehandeling nodig gehad.
Daar is in totaal op vier AK 47 aanvalsgewere, ‘n 9mm pistool asook ‘n bykomende geweer beslag gelê.
Die polisie voertuie is tydens die skietgeveg beskadig maar nie een polisielid is dood of beseer nie.

Hierdie laaste voorval bring die totaal op 15 rowers wat deur die polisie in KZN gedurende die afgelope maand dood geskiet is.

4 Augustus: Drie mans is in ‘n skietgeveg met polisie op die N2 doodgeskiet. Een bendelid is gearresteer en een bevind hom nog op vrye voet. Die bende was op-pad om ‘n rooftog te pleeg toe hulle deur die polisie onderskep is.

14 Augustus: Drie mans is tydens ‘n skietgeveg deur die polisie op die M13 doodgeskiet nadat hulle voertuig wat geld vervoer beroof het.

28 Augustus: Ses mans is doodgeskiet nadat hulle ‘n transitorooftog in Springfield KZN uitgevoer het. Twee mans is gearresteer en het reeds in die hof verskyn.

30 leerlinge swanger van onderwysers

‘n Woordvoerder van die Noord Kaap departement van onderwys, Geoffrey van der Merwe, het gesê dat onderwysers wat betrokke was by die beweerde swangerskappe van sowat 30 leerlinge tydelik geskors sal word totdat die ondersoek voltooi is.

Dit volg na openbare protes nadat dit aan die lig gekom het dat hulle toegifte ontvang het vir onbeskermde seks met manlike onderwysers.

Volgens Van der Merwe is daar 16 meisies aan die skool wat oor die laaste drie jaar swanger geraak het, alhoewel bewerings daarop dui dat dit nader aan 30 was. Hy doen ook ‘n beroep op leerlinge wat hierdeur geraak is om na vore te tree.

Volgens een van die meisies was daar een spesifieke onderwyser wat sy gereeld by die tavernes ontmoet het en wat, na hulle ‘n paar drankies genuttig het, haar daarna na sy huis geneem het.

Mugabe seuns moet rekening betaal

8 Sept Mugabe seuns uitgeskopDie president van Zimbabwe, Robert Mugabe, se twee stralejakker seuns, Robert Junior en Bellarmine Chatunga moet R780 000 opdok vir die spoor van vernietiging wat hulle in die daktuinwoonstel van ‘n Santon Hotel gelaat het, gevolg deur hulle uitsetting na ‘n erge en dramatiese partytjie.

Dit volg nadat hulle vroeër ook uit ‘n luukse woonstel in Sandton geskop is na ‘n onderonsie wat ‘n sekuriteitsbeampte met ‘n gebreekte arm en been gelaat het.

Volgens die hotelbestuur is eiendom beskadig en duur matte gevlek. Volgens ‘n bron het die bestuur van die hotel ‘n skrywe aan die Mugabe familie gerig wat hulle daarvan in kennis stel dat die herstelkoste om die luukse eenheid te herstel R780 000 gaan beloop.

Die vraag op almal se lippe in Zimbabwe is waar president Mugabe, wat geen winsgewende besigheid bedryf nie, die geld kry om die beweerde sowat $40 000 per maand sakgeld aan elke seun te betaal.

Bronne beweer dat die seuns groot gaan met hul luukse lewenswyse. Buiten dat hulle in luukse eenhede bly, word hulle gereeld in luukse motors rond vervoer,  terwyl hulle oor die dienste van ‘n chef en ‘n dosyn lyfwagte beskik.

Robert jnr studeer blykbaar ingenieurswese aan die Universiteit van Johannesburg. Na die onderonsie tussen sy ma Grace en ‘n jong model van Johannesburg, is daar nou sprake dat die Mugabe familie eerder daaraan dink om die seuns op ‘n plek buite Suid-Afrika te vestig.

Bron: African Independent