Nuus tot Dinsdag 29 Augustus

Harvey tref Texas met alle geweld

Houston se metropool in die Amerikaanse deelstaat Texas was Sondag reeds deurweek van water en sterk homself teen vloede en swaar reënval soos die tropiese storm, Storm Harvey, vanaf die suid-ooste oor die staat beweeg. Neerslae van sowat 100 mm binne ‘n uur is aangeteken. Daar word vermoed dat die stormweer ten minste vyf dae sal duur.

Met waarskuwings oor tornado’s, swaar neerslae en vloede wat nog aan die kom is, is Texas reeds besaai met ontwortelde bome, kennisgewingborde wat omgewaai is, vlagpale wat soos vuurhoutjies geknak is en stene en dakteëls wat eenvoudig uit geboue gewaai is.

Die meeste ongevalle word verwag van die kusdorp Rockport waar 5 000 inwoners besluit het om die dreigende storm, wat daar sy vernietigingswerk oorland begin het toe dit Vrydagaand omstreeks 23:00 plaaslike tyd geland het.

Aan diegene wat agtergebly het was die opdrag om eerder hulle persoonsnommers op hulle arms te skryf om uitkenning te vergemaklik. Teen Saterdagmiddag was dit reeds ‘n Kategorie 1 storm met stormwinde van 130 km/h en ver binneland toe is neerslae van tot 1000 mm (1 meter) verwag.

Die vloede wat deur hierdie neerslae veroorsaak sal word sal steeds met sy vernietigende effek voortgaan met hoë getye wat reeds baie kusdorpe en stede oorstroom het.

Daar word vermoed dat baie areas wat deur Harvey getref word vir weke en selfs maande onleefbaar sal wees.

SAL kanselleer vlugte na Port Elizabeth, Oos Londen en Sentraal Afrika

SAA-planesDie Suid-Afrikaanse Lugdiens is blykbaar besig om verskeie roetes te kanselleer, vlugte te verminder en van sy vliegtuie ontslae te raak luidens ‘n verslag van City Press.

Die SAL staar bankrotskap in die gesig en sukkel om sy verpligtinge na te kom. Die huidige 17 vlugte op die Johannesburg-Kaapstad roete sal met sowat ‘n derde verminder word.

Hierdie was een van die SAL se winsgewendste roetes. Die rede wat hiervoor aangevoer word is die toenemende gewildheid van rederye wat internasionale vlugte direk na Kaapstad aanbied.

Aansluitend hierby word beplan om alle vlugte na Port Elizabeth en Oos Londen asook vlugte na Sentraal Afrika bestemmings te kanselleer.

Hulle is ook van plan om ten minste van tien van die 50 vliegtuie in die vloot ontslae te raak.

Noord Korea vuur missiel af oor Japan

29 Aug Noord Korea JapanDie oosterse Aandele Markte is erg geskud met die nuus dat Noord Korea ‘n balistiese missiel oor Japan afgevuur het.

Hierdie toets is die nuutste van ‘n reeks uitlokkende aksies van Noord Korea en is duidelik daarop uit om die reaksies van Die Amerikaanse President, Donald Trump, sy eweknie in Suid Korea, Moon Jae-In en die Eerste minister van Japan, Shinzo Abe, te toets wat vrese uitstuur van ‘n moontlike konfrontasie met ‘n kern-gewapende nasie te toets.

Direk nadat die missiel afgevuur is, het dit reeds sy invloed op die markte begin wys. Die yen het na die opening van die markte teenoor die dollar geval en goud het met 1,6 persent geklim tot ‘n algehele 10-maand hoogtepunt van $1 317,15.

Noord Korea het die missiel oor Japan afgevuur. Die missiel het aan die kus naby Hokkaido, Japan se grootste en noordelikste eiland, die water getref. Dit word beskou as ‘n aksie wat nie net uitlokkend is nie, maar ook ‘n ernstig en dodelike dreigement wat groot skade aan die gebied se veiligheid en sekuriteit berokken.

Noord Korea se plan is klaarblyklik om druk op president Trump en Japan te plaas om te reageer, ‘n aksie wat hulle direk teen China te staan kan bring indien dit tot ‘n militêre botsing sou lei.

Ses rowers doodgeskiet na transitoroof

29 Aug KZN gyselaar voorval
Nuuskierige inwoners van Parlock en werkers kyk toe terwyl polisie die omgewing deursoek vir een rower wat daarin geslaag het om weg te kom na ‘n transito rooftog Maandagoggend in Springfield noord van Durban. Foto: Gcina Ndwalane.

Ses verdagtes in ‘n transito rooftog is doodgeskiet terwyl twee omstanders wat in die kruisvuur tussen die polisie en die rowers beland het.

Die voorval het Maandagoggend in Parlock, noord van Durban plaasgevind nadat gewapende rowers ‘n G4S sekutiteitswag in ‘n lokval by ‘n sakesentrum in Springfield oorrompel het en met ‘n geldtrommel op die vlug geslaan het.

Die polisie het op ‘n noodoproep gereageer en twee verdagtes is op die toneel in Springfield geskiet. Een verdagte is op die toneel dood terwyl die ander een later in die Addington Hospitaal beswyk het.

Nog twee verdagtes is in Springfield vasgetrek terwyl vyf ander in ‘n silwer Mercedes-Benz, wat vermoedelik gesteel is, ontsnap het.

‘n Jaagtog het ontstaan oppad na Parlock toe die polisie die voortvlugtendes agterna gesit het.

‘n Groep werkers fabriekswerkers wat vir hulle iets te ete wou koop vir die oggendtee, het hulle ewe skielik te midde van ‘n skietgeveg bevind toe die rowers en die polisie op mekaar begin skiet het.

Na die skietgeveg, wat etlike minute geduur het, was daar nog vyf verdagtes dood en twee omstanders wat in die skietery gewond is terwyl twee ander skraapwonde opgedoen het in hulle haas om uit die kruisvuur weg te kom.

‘n Polisie helikopter is ontbied om te help soek na een rower wat daarin geslaag het om weg te kom.

Bron: The Mercury

Polisie betrap vier vragmotors vol onverwerkte chroom in Limpopo

29 Aug Onwettige chroom
Vier vragmotors is met onverwerkte chroom in Limpopo betrap.

Die polisie het die afgelope naweek in Limpopo beslag gelê op vier vragmotors wat met onverwerkte chroom betrap is tydens ‘n operasie die afgelope naweek teen georganiseerde misdaad in die provinsie.

Twee mans het Maandag vlugtig in die landdroshof in Mecklenburg, Limpopo, op aanklagte van onwettige mynbedrywighede voorgekom. Beide is op borgtog van R2 000 elk vrygelaat.

Volgens die polisiewoordvoerder in Limpopo, Brigadier Motlafela Mojapelo het die polisie in Limpopo hul optredes verskerp om die onwettige delwing van chroom in die Sekhukhune-streek van Limpopo te stop.

Chroom word veral in die Burgersfort-gebied onwettig ontgin.

Die twee mans wat aangekla is sal weer op 16 Oktober in die Mecklenburg landdroshof verskyn.