Yolandé Koekemoer, Kersmoeder, tydens die Kersmark by ‘Nader Gastehuis.
THABAZIMBI – Komma Nader Gastehuis het op Saterdag 3 Desember hul eerste Kers – Plaasmark aangebied.
Vir die jongspan was daar hope vermaak asook ‘n bederfie wat deur Kersmoeder, Yolandé Koekemoer, aan hulle uitgedeel is.
Vir diegene wat reeds in die luim was vir kersinkope, was daar ‘n ietsie van alles en is dit juis die tuis- en handgemaakte items wat elke keer die kollig gesteel het.
Thabazimbi Lodge, Suikerbekkies en ‘ Nader Gastehuis word bedank vir die bydraes wat hulle gelewer het om die gelukspakkies vir die kleintjies te gee.
Die organiseerders bedank ook die uitstallers wat regdeur die jaar hul gewig by hierdie besonderse gemeenskapsaak ingegooi het asook die gemeenskap wat elke maand die Plaasmark ondersteun.
Die Plaasmark beweeg van krag tot krag en toon maandeliks positiewe groei.
