Die Kersliedere by Kerslig verhoog.

THABAZIMBI – Die jaarlikse My Superspar Kersliedere by Kerslig het op Donderdag 24 November in die parkeerterrein van Thaba SuperSpar plaasgevind.

Volgens Debbie Viljoen, plaaslike gospelsangeres, was hierdie aand prentjie mooi nadat die wolke oopgetrek het en die mooiste reënboog agter langs die verhoog sy verskyning in die lug gemaak het.

“Die orkes was ‘n samevoeging van alle uithoeke van ons dorpie en was die

spreekwoordelike kersie op die koek.” Sê Debbie. “Ons het onder die sterre hemel kersliedere gesing.” Die buddies groep van Laerskool Thabazimbi was ook betrokke en die kinders het luidkeels saamgesing.

Danksy Armand Knoetze se inisiatief was daar ‘n pragtige verhoog

geborg deur Steinmand Konstruksie. Die ATKV het gesorg vir die bemarking, en elke lid van die tak word bedank vir hul bydrae.

Thaba SuperSpar bedank die gemeenskap in geheel vir hul positiewe gesindheid en deelname aan die Kersliedere by Kerslig. “Dit was ‘n groot sukses

en gemeet aan die terugvoer wat ons van die gemeenskap ontvang het sal

hierdie besonderse geleentheid elke jaar net van krag tot krag kan gaan.” Sê Debbie.