Hawaii op Swartklip, voor vlnr: Sandra Janecke, Sonya Venter, Cilea Goosen, Rene Laas en Annatjie Dreyer. Middel vlnr: Ursula Joubert, Chantell Steynberg, Bianca Conradie, Mari Meintjes en Amanda Meintjes. Agter vlnr: Marcia Botha, Hannetjie du Plessis en Dina Smith.

SWARTKLIP – Die Northam VLU-tak het op Donderdag 17 November 2011 hul jaarafsluiting op plesierige wyse in en om die swembad van Sonya Venter gehou.

Terwyl daar geteug is aan verfrissende drankies, is die huishoudelike sake afgehandel, en die nuwe bestuur vir 2012 gekies. Elke dame het ‘n piekniekmandjie gebring, wat dan uitgeruil is, en kersgeskenke is uitgedeel. Die gelukkige wenner van die SAVLU Resepteboek is ook getrek, en daarna het die dames in die water baljaar. Die dames is vol ywer om in die komende vakansie hul kompetisie-artikels te voltooi, wat met die Januarie-vergadering ingehandig moet word. Vir meer inligting aangaande Northam VLU, skakel of sms Mari Meintjes 0820864915.