Ek is ook ’n Yorkie teler en weet presies wie die persoon is wat aangeval word in verlede week, 16 Julie se brief, want ons almal het Nikita gesoek. Ek het haar nog die Saterdag voor sy weggeraak het vertroetel. Sy was pragtig!

Ek kom op ’n gereelde basis by Kaaitjie, want ons gebruik mekaar se reuntjies vir teel doeleindes. Ek kan met eerlikheid sê dat sy van die mooiste hondjies het in Thabazimbi. Nie een van haar honde is verwaarloos of ondervoed nie en sy verdien nie die beskuldigings wat teen haar gebruik is nie.

Dit is beslis nie ’n aangename gevoel wanneer een van jou honde-kinders wegraak nie en ek is dankbaar dat Nikita weer veilig by haar huis is.

Elsabe van der Merwe