Die verjaarsdag dames vir Julie is vlnr Martie Stander, Marietjie van die Merwe en Jakkie Vos. Martie verlaat ook die tak eersdaags aangesien hulle na Roodepoort verhuis en die ander lede neem met ‘n swaar hart afskeid van haar.
THABAZIMBI – Tydens die VLU Thabazimbi se maandvergadering by die AP Kerksaal het Annette Botha van Thaba Superspar bakery, die jyunere kunsies van koekversiering aan die dames demonstreer. Sy het gewys hoe maklik dit is om ‘n Mickey Mouse koek te maak. Die tak hou op 12 Augustus ‘n lentetee by die AP Kerksaal om 10:00 ter ere van Marie Steenekamp wat betrokke is by so baie gemeenskapsprojekte in Thabazimbi. Sy word vereer as Thabazimbi se eie vrou van die jaar en die fondse wat ingesamel word sal geskenk word aan Huis Immergroen. Die oggend beloof ‘n baie opwindende en vol program met onder andere Tessa van Wijk, Trauma berader as spreker en Jesse Lang as gaskunstenaar. Daar is ook vele uitstaltafels en heerlike verversings. ‘n Beroep word op die dames gedoen om deel van die lente tee te wees en sodoende ‘n bydrae te lewer vir die befondsing van Huis Immergroen. Om ‘n uitstaltafel te bespreek kan Liz van Tonder gekontak word by 0844364429.
