Op die foto vlnr: Professor Erasmus van Northam Boereverening, Malcom Moody beoordelaar van Vetvee veiling saam met Erich Herholdt, wenner van 6 kategorieë en die eienaar van die os wat die SAMIC Nasionale Slagos kompetisie gewen het.

Mari Meintjies

NORTHAM – Die Northam Boerevereniging het op 19 Augustus hul jaarlikse vetveeveiling te Northam aangebied.
Erich Herholdt, van die plaas Swellendam in die Dwaalboomdistrik asook die plaas Snowy-River, Koedoeskop, waar hy met wild en beeste boer, het feitlik in al die kategorieë eersteplekke verower. Die afdelings wat deur Erich Herholdt gewen is, is Beste Slagkoei, Swaarste Slagbees, Enkel Bees Ongewissel, Enkel Bees Gewissel, Groep van 4 Gewissel en Groep van 4 Ongewissel.
Nog ‘n besonderse prestasie het hom te beurt geval, Erich stap weg as wenner van die SAMIC Nasionale Slagos kompetisie waar sy os die hoogste punte in die geskiedenis verwerf het. Die os was die eerste os wat in die Noordelike Provinsie as wenner aangewys is, met ‘n inskrywingstal van 17 000 osse. Dié os het 99.7 uit 100 punte verdien.