THABAZIMBI-‘n Absolute nuutjie in Thabazimbi is ‘n Duitser wat op ‘n plaas, ongeveer 30 km buite Thabazimbi op die Ellisras/Lephalale pad ‘n voortplantingsplaas vir visse gestig het.  Dié visspesie is die Bloukurper (Oreochromis mossambicus).  Dit is moeilik om hierdie spesifieke vis te teel en groot te maak tot op ‘n sekere ouderdom.  Die vroulike vis hou die eiers en pasgeborenes in haar mond.  Ongeveer elke 2de week word die vissies uit haar mond gehaal.  Tim, wie sy Meestersgraad in Wetenskap het (Professionele Natuurlike Wetenskaplike), manipuleer die vissies se geslag na manlike visse toe, aangesien die pasgebore vissies nie ‘n geslag het nie.  Dit word gedoen omdat die vroulike vissies klein bly en die manlike geslag tot en met 4kg kan groei.  Die teelproses het professionele kundigheid nodig.  Dit is uiters moelik om die pasgebore vissies tot jong visse groot te maak.  Vanaf ‘n sekere ouderdom is dit baie maklik om self die visse verder groot te maak.  Die visse kan met viskos of alge groot gemaak word.  Dit beteken dat selfs hoender- en veemis of gras in die water gegooi kan word en dan alge se groei stimuleer waarop die visse kan lewe.  Selfs rou vleis (afval) wat nie benodig word nie ens. kan bo die water gehang word.  Die vlieë lê dan eiers in die rou vleis wat maaiers broei wat dan in die water val en deur die visse geëet word.  Interessant genoeg word die vis se smaak geensins beïnvloed deur die tipe kos wat hy eet nie.  Die vis se smaak bly heerlik.  Dit neem ongeveer ‘n jaar vir die vis om volwassenheid te bereik, wat natuurlik beïnvloed word deur die tipe kos wat hy gevoer word.  Die vis kan tussen 500g tot en met 4kg weeg.  Dié visse kan in enige plaasdam, hetsy sement, natuurlike of besproeiing geplaas word. Tim en Gerhard kan u plaas besoek en bepaal hoeveel visse in ‘n spesifieke grootte dam geplaas kan word.  Hulle kan u ook bystaan met enige probleme, asook die hele proses insluitende populasie beheer, die bestuur daarvan en siektes.  Vir enige verdere navrae kan u gerus vir Tim skakel by 071 174 4090.