Categorized | Health

Wat sê die vet?

Hierdie week behandel dr B Masschelein inenting en sy sê “‘n ons voorkoming is beter as ‘n pond genesing” en volgens haar ‘n perfekte nuwejaars besluit. Inenting beskerm jou huisdiere teen besmetlike siektes wat algemeen in Suid-Afrika voorkom.
Die inentingprogram saam met die ontwurming skedule moet reeds op die ouderdom van agt weke begin word. Dit is die tyd wat moederlike vrystelling afneem (as die teef ingeënt was) en die aanteel vatbaar raak vir siektes.
Canine Parvovirus enteritis (katgriep) is ‘n dodelike siekte wat geld kos om te behandel. Dit vernietig die binnekant van die derm en die dier ontwater, teer uit en bloedvergiftiging kom voor.
Om die derm te herstel behels ‘n lang hospitalisasie op ‘n drup en die dier neem lank om te herstel. Die kiem in die dier dier se braaksel en ontlasting in die omgewing is vir ses maande of meer aktief en mag ander oningeënte diere aansteek aangesien dit moeilik is om die kiem met ontsmettingsmiddels te vernietig.
Die distemper (hondesiekte) virus is ook moeilik en duur om te behandel en hierdie diere kan op die lang termyn breinskade oorhou. Dié virus is nou familie van rinderpes en masels en entstof in jong diere beskerm hulle teen vyf besmetlike siektes.
Buiten hierdie besmetlike siektes, moet ingedagte gehou word dat mense die siektes kan opdoen. Deur jou troeteldier te beskerm, beskerm jy jou gesin teen siektes soos hondsdolheid en haakwurm wat deur diere oorgedra word.
‘n Besoek aan jou veearts, is die beste voorkoming en beskerming vir jou gesin en dier.

Leave a Reply

Download Die Kwêvoël in PDF

List your business free

Thabazimbi Business Directory

Follow us on Facebook

Top content

Ads

Recent Comments

    Archives

    January 2006
    M T W T F S S
    « Oct   Feb »
     1
    2345678
    9101112131415
    16171819202122
    23242526272829
    3031